Yeni araşdırma göstərib ki, gündəlik həyat tərzində edilən kiçik dəyişikliklər insanın bioloji yaşına ciddi təsir göstərə bilər. Mütəxəssislərin fikrincə, müntəzəm fiziki aktivlik və keyfiyyətli yuxu hüceyrələrin daha gənc qalmasına kömək edir.
Azpost.info xəbər verir ki, tədqiqat zamanı müxtəlif yaş qruplarından minlərlə insanın sağlamlıq göstəriciləri təhlil edilib. Məlum olub ki, gündə ən azı 30 dəqiqə aktiv hərəkət edən şəxslərin bioloji yaşı yaşıdları ilə müqayisədə orta hesabla 3-5 il daha gənc görünür.
Alimlər bildirirlər ki, fiziki aktivlik hüceyrələrin bərpasını sürətləndirir, ürək-damar sistemini gücləndirir və iltihab riskini azaldır. Xüsusilə sürətli gəzinti, velosiped sürmək və üzgüçülük ən faydalı fəaliyyətlər arasında göstərilib.
Mütəxəssislər vurğulayırlar ki, sağlam qidalanma və kifayət qədər yuxu ilə birlikdə tətbiq edilən bu vərdiş uzunömürlülüyə müsbət təsir göstərə bilər.
