Rusiyanın Federal Təhlükəsizlik Xidməti (FSB) Telegram platformasının qurucusu Pavel Durov barəsində beynəlxalq axtarış elan edildiyini açıqlayıb.
Rusiya KİV-lərinin məlumatına görə, FSB Durova qarşı terrorçuluq fəaliyyətinə yardım ittihamı irəli sürüb.
Qurumun açıqlamasında bildirilib ki, Pavel Durova qarşı Rusiya Cinayət Məcəlləsinin 205.1-ci maddəsinin 1.1-ci hissəsi (terrorçuluq fəaliyyətinə yardım) üzrə aparılan cinayət işi çərçivəsində ittiham irəli sürülüb.
FSB-nin məlumatına əsasən, bununla əlaqədar Pavel Durov beynəlxalq axtarışa verilib.
Qeyd edək ki, bu məlumat Rusiya dövlət agentliyi TASS və REN TV tərəfindən FSB-yə istinadən yayılıb. Hazırda Pavel Durovun özü və ya Telegram tərəfindən məsələ ilə bağlı rəsmi açıqlama verilməyib.
