Skip to content
cropped-cropped-logo.png

Analitik İnternet Portalı

Primary Menu
  • Siyasət
  • Dünya
  • Müsahibə
  • İqtisadiyyat
  • Araşdırma
  • Gündəm
  • İdman
  • Media
  • Şou Biznes
  • Sosial
  • Redaksiya Siyasəti
Light/Dark Button
  • Sosial

Araşdırma: Uşaqların fiziki sağlamlığı sürətlə pisləşir

User 31 İyul 2026 - 13:11 (Last updated: 31 İyul 2026 - 13:11)
usaqlar idman

Yeni genişmiqyaslı araşdırma göstərib ki, Avropada uşaq və yeniyetmələrin fiziki hazırlıq səviyyəsi son onilliklərdə davamlı şəkildə pisləşir. Alimlər əzələ gücünün, çevikliyin və sağlam bədən quruluşunun zəifləməsinin gələcəkdə ciddi sağlamlıq problemlərinə səbəb ola biləcəyini bildirirlər.

Azpost.info bildirir ki, tədqiqat İspaniyanın Saraqosa Universitetinin alimləri tərəfindən aparılıb və nəticələri “Sports Medicine – Open” elmi jurnalında dərc olunub.

Araşdırma çərçivəsində 1965–2023-cü illər ərzində Avropanın 20 ölkəsindən 6-16 yaş arasında olan 417 min 362 uşaq və yeniyetmənin məlumatları təhlil edilib.

Tədqiqatçılar əzələ gücü, çeviklik, bədən tərkibi və ürək-damar-dözümlülük göstəricilərini qiymətləndiriblər.

Nəticələrə görə, yuxarı bədən əzələlərinin gücü 1970-ci illərdən etibarən davamlı azalır. Aşağı ətrafların əzələ gücü isə 1980-ci illərə qədər artsa da, sonradan tədricən zəifləməyə başlayıb.

Ən ciddi geriləmə çeviklik göstəricilərində qeydə alınıb. Alimlər bildirirlər ki, bu göstəricilər illərdir azalır və 2000-ci ildən sonra bu proses daha da sürətlənib.

Araşdırmada həmçinin uşaqlarda bədən piyinin səviyyəsinin davamlı artdığı müəyyən edilib. Mütəxəssislər qeyd edirlər ki, yalnız bədən kütlə indeksi (BKİ) ilə qiymətləndirmə bu problemi tam əks etdirmir.

Ürək, ağciyər və qan damarlarının fiziki yüklənmə zamanı əzələləri oksigenlə təmin etmə qabiliyyətini göstərən kardiorespirator dözümlülük isə uzun illər davam edən azalmadan sonra 2015-2023-cü illərdə nisbətən sabitləşib. Buna baxmayaraq, bu göstəricilər əvvəlki onilliklərlə müqayisədə hələ də xeyli aşağıdır.

Alimlər vurğulayırlar ki, uşaqlıq dövründə yaxşı fiziki hazırlıq gələcək sağlamlıq üçün mühüm əhəmiyyət daşıyır. Güclü əzələlər normal çəkinin qorunmasına kömək edir, yüksək kardiorespirator dözümlülük isə ürək-damar xəstəlikləri və vaxtından əvvəl ölüm riskini azaldır.

Ümumdünya Səhiyyə Təşkilatı (ÜST) uşaq və yeniyetmələrə hər gün ən azı 60 dəqiqə orta və ya yüksək intensivlikli fiziki fəaliyyətlə məşğul olmağı, həftədə azı üç dəfə isə əzələ və sümükləri gücləndirən məşqlər etməyi tövsiyə edir.

Lakin araşdırmaya əsasən, Avropada yeniyetmələrin 75 faizindən çoxu bu tövsiyələrə əməl etmir.

Tədqiqat müəllifləri hesab edirlər ki, əldə olunan nəticələr uşaqlar və yeniyetmələr arasında fiziki fəallığın artırılması üçün dövlət və ictimai proqramların daha da gücləndirilməsinin vacibliyini göstərir.

AzPost.az

Post navigation

Previous: ATƏT-in sədri Azərbaycana səfər edəcək
Next: “Üçüncü Bahar” İctimai Birliyi layihəni başa çatdırıb

Oxşar xəbərlər

White,Sugar,In,Wood,Spoon,On,Wood,Table
  • Sosial

Ağ şəkəri nə ilə əvəz etmək olar? – Həkim şərhi

User 18 Noyabr 2026 - 18:50
tezyiq
  • Sosial

Dərmansız qan təzyiqini necə aşağı salmaq olar? – 4 təbii üsul

User 18 Noyabr 2026 - 18:28
Azərbaycanda vəkillərin
  • Sosial

Bu il 6 vəkil Kollegiyadan xaric olunub, 27 nəfər cərimələnib

User 18 Noyabr 2026 - 18:00

xƏBƏR

ceyhun hakan fidan
  • Siyasət

Ceyhun Bayramov Hakan Fidanla telefonla danışdı

User 18 Noyabr 2026 - 23:46
Azərbaycanın xarici işlər naziri Ceyhun Bayramovla türkiyəli həmkarı Hakan Fidan arasında telefon danışığı baş tutub. “Hürriyet” qəzetinin...
Read more about Ceyhun Bayramov Hakan Fidanla telefonla danışdı
Gürcüstan və Rusiya rəsmiləri sabah ilk dəfə görüşəcək rus gurcu
  • Dünya

Gürcüstan və Rusiya rəsmiləri sabah ilk dəfə görüşəcək

User 18 Noyabr 2026 - 23:41
Paşinyan Azərbaycanla sülh sazişindən sonra istefa verəcəyini açıqladı pasinyan qurultay
  • Dünya

Paşinyan Azərbaycanla sülh sazişindən sonra istefa verəcəyini açıqladı

User 18 Noyabr 2026 - 23:06
Arıqlamaq istəyənlər üçün ən faydalı çərəz açıqlandı badam
  • Maraqlı

Arıqlamaq istəyənlər üçün ən faydalı çərəz açıqlandı

User 18 Noyabr 2026 - 22:47
Əkrəm İmamoğluna 2 il 1 ay həbs cəzası verildi – Siyasi hüquqları məhdudlaşdırılır ekrem im
  • Dünya

Əkrəm İmamoğluna 2 il 1 ay həbs cəzası verildi – Siyasi hüquqları məhdudlaşdırılır

User 18 Noyabr 2026 - 22:09
  • Haqqımızda
  • Əlaqə
Copyright © Bütün hüquqlar qorunur | ReviewNews by AF themes.