“Xüsusi qayğıya ehtiyacı olan uşaqlara və onların ailələrinə yardım” ictimai birliyi “Sağlam və təhlükəsiz həyatın təşviqi” layihəsinin icrasına başlayıb.
“Xüsusi qayğıya ehtiyacı olan uşaqlara və onların ailələrinə yardım” İB Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyilə “Sağlam və təhlükəsiz həyatın təşviqi” adlı layihənin icrasına start verib.
Layihənin məqsədini cəmiyyətdə, xüsusilə də gənc nəsil arasında sağlam və təhlükəsiz həyat prinsiplərinin öyrədilməsi, bu prinsiplərin gündəlik həyatın bir hissəsinə çevrilməsi və sosial məsuliyyət hissinin gücləndirilməsidir. Məqsəd yalnız zərərli vərdişlərdən uzaq qalmaq deyil, eyni zamanda doğru düşünmək, emosional balansı qorumaq, təhlükəsiz davranış modellərini mənimsəmək və sağlam gələcək qurmaqdır. Bu təşəbbüs gəncləri öz sağlamlıqlarına sahib çıxmağa, həyatlarını məsuliyyətli və şüurlu şəkildə idarə etməyə çağırır.
Layihə çərçivəsində Bakı şəhərinin Nizami və Xəzər rayonlarında maarifləndirici tədbirlər həyata keçiriləcək.
