Məşhur müğənni Madonnanı 68 yaşlı pop ulduzun İnstaqramda paylaşdığı yeni fotolarda tanımaq demək olar ki, mümkün deyil.
Müğənni Pamela Andersonu xatırladan görünüşü ilə diqqət çəkib. 68 yaşlı Madonnanın həcmli açıq rəngli saç düzümü və makiyajı pərəstişkarlarının onu 59 yaşlı Hollivud ulduzu ilə müqayisə etməsinə səbəb olub.
Kadrlardan birində Madonna olduqca formada olan bədən quruluşunu nümayiş etdirib. O, bədənə kip oturan al-qırmızı kombinezonda dəhlizdə inamla addımlayaraq kamera qarşısına keçib.
Lakin müğənni bununla kifayətlənməyib. Son fotosessiyanın çəkiliş meydançasından olan kadrlarda Madonna bədən rəngində bodi və qara krujevalı korsetdə görüntülənib.
Pərəstişkarlarının diqqətini xüsusilə Madonnanın üzü çəkib. Yaxın plan kadrlarda onun dərisi olduqca hamar və yaşla bağlı dəyişikliklərdən demək olar ki, məhrum görünüb.
Fanatlar dərhal paylaşımın şərh bölməsini təriflərlə doldurublar. Müğənninin paylaşımına reaksiya verənlər arasında musiqi səhnəsindəki həmkarı Riki Martin də olub.
