Sosial şəbəkələrdə FlyDubai reysində baş verən və təyyarənin həyəcan siqnalı verməsinə səbəb olan insidentdən sonra çəkilmiş ilk fotolar yayılıb.
Fotolarda köynəyinin üzərində qan izləri olan sərnişin əks olunub.
Çərşənbə günü təyyarə fövqəladə vəziyyət siqnalı verib. Aviaşirkət bildirib ki, uçuş zamanı pilotlar arasında dava düşüb.
“i24News” telekanalı hadisənin şahidlərindən birinə istinadən xəbər verir ki, təyyarədəki vəziyyəti sərnişinlər nəzarətə götürüblər. Onlar hücum edən şəxsi zərərsizləşdiriblər. Təyyarədə olan tibb bacısı və həkim isə xəsarət alan sərnişinə ilkin tibbi yardım göstərib.
Bundan başqa, göyərtədə bir neçə pilotun olduğu bildirilir. Onlar idarəetməni öz üzərlərinə götürərək təyyarəni Səudiyyə Ərəbistanında məcburi eniş etdiriblər.
