Rusiya Prezidenti Vladimir Putin, ABŞ Prezidenti Donald Tramp və Çin Sədri Si Cinpinin görüşü mühüm əhəmiyyət daşıyır. Lakin bu görüş İkinci Dünya müharibəsi illərində dünya nizamı ilə bağlı məsələləri həll edən “Böyük üçlüyün” görüşü deyil.
Bunu Rusiya Prezidentinin mətbuat katibi Dmitri Peskov jurnalistlərə açıqlamasında bildirib.
Bu barədə TASS məlumat yayıb.
“Şübhəsiz ki, bu görüş bütün dünyanın diqqətini cəlb edir. Rusiya, Çin və ABŞ kimi ölkələrin liderlərinin bir araya gəlməsi son dərəcə mühüm hadisədir. Lakin unutmayaq ki, dünya nizamı ilə bağlı bizim baxışımız ondan ibarətdir ki, heç kim öz dünya nizamı modelini başqasına diktə etməməlidir”, – deyə Peskov Asiya-Sakit Okean İqtisadi Əməkdaşlığı (APEC) sammitində liderlərin mümkün görüşünü İkinci Dünya müharibəsi dövrünün “Böyük üçlüyü” ilə müqayisə edən fikirlərə münasibət bildirərkən deyib.
