1566-cı ildə vəfat etmiş fransız astroloq Nostradamusun geridə qoyduğu qorxulu proqnozlara görə, 2027-ci ildə bəşəriyyəti maliyyə sarsıntıları və dağıdıcı yanğınlar gözləyə bilər.
Azpost.info bildirir ki, bu barədə Britaniyanın “Daily Mail” nəşri yazıb.
“Son məlumatlar göstərir ki, gələn il həm təbiət aləmi, həm də insanların həyatının asılı olduğu sistemlər üçün təhlükələr yarana bilər”, – məqalədə qeyd olunur.
Nostradamusun geridə qoyduğu qorxulu misralardan birində üfüqü bürüyən alov təsvir edilir. Digər bir parçada isə artan borclardan və dağıdıcı ola biləcək maliyyə böhranından xəbər verilir. Nostradamus İranla bağlı dönüş nöqtəsindən də bəhs edir. Astroloq Fransada siyasi sarsıntılar olacağını da proqnozlaşdırıb. Daha bir qaranlıq proqnozda isə çoxdan gözlənilən bir kəşfin ölümcül bədəli ola biləcəyi bildirilir.
Nəşr vurğulayır ki, Nostradamus öz proqnozlarında konkret olaraq 2027-ci ilin adını çəkməyib. Onun təsvir etdiyi hadisələrin gələn illə əlaqələndirilməsi müasir dövrün şərhlərinə əsaslanır.
Nostradamus 900-dən çox dördlükdən ibarət şeir yazıb. Bu əsərlər “Senturalar” adlı toplularda nəşr olunub.
Nostradamusun tərəfdarları onun Londonun Böyük Yanğını, Fransa inqilabı və ABŞ prezidenti Con Kennedinin öldürülməsi kimi hadisələri əvvəlcədən xəbər verdiyini iddia edirlər.
Ən narahatedici parçalarından birində geniş ərazini bürüyən alov təsvir olunur. “Qərb tərəfdən səmavi od, / Cənubdan isə şərqə doğru uzanır”, – proqnozda deyilir. Bu fəlakətin baş verəcəyi müasir ölkə və tarix göstərilmir. Lakin təsvirlər həyatın davam etməsi üçün zəruri şəraitdən məhrum olmuş bir əraziyə dair xəbərdarlıq kimi təqdim edilir.
Parçalardan birində böhran və borc mövzusu qaldırılır. Bu, iqtisadi çöküşlə bağlı müxtəlif şərhlərə səbəb olub. Astroloqun başqa bir proqnozunda isə Qara dəniz yaxınlığında mümkün gərginlik nöqtəsindən bəhs edilir.
Nostradamus V senturanın 27-ci katrenində belə yazıb: “Od və silah vasitəsilə, Qara dənizdən çox da uzaqda, / O, Trabzonu ələ keçirmək üçün Persiyadan gələcək”.
Ekspertlər qeyd edirlər ki, Persiya İranla əlaqəli tarixi addır. Trabzon isə Türkiyənin Qara dənizin şimal-şərq sahilində yerləşən Trabzon şəhərinin qədim adıdır. Bu parçanın həmin iki ölkə ilə bağlı hansısa dönüş nöqtəsinə işarə edə biləcəyi ehtimal olunur.
Nadir Talıblı
