Avropa təhlükəsizlik sistemi mövzusu Əbu-Dabidə danışıqların əsas mövzusuna çevrilib.
Bunu Rusiya prezidentinin köməkçisi Vladimir Medinski bildirib.
O, əlavə edib ki, tərəflər bəzi məsələlərdə qarşılıqlı anlaşma əldə ediblər.
Medinski qeyd edib ki, Rusiya Ukraynadakı münaqişənin qaçılmaz sona çatmasından sonra təhlükəsizliyə nə baş verəcəyi məsələsini qaldırmağın məqsədəuyğun olduğunu düşünür. O, həmçinin danışıqların təşkilinə görə BƏƏ rəhbərliyinə təşəkkür edib.
Medinski bildirib ki Rusiya və Ukrayna yeni genişmiqyaslı hərbi əsir mübadiləsi barədə razılığa gəliblər. Mübadilənin konkret parametrləri daha sonra açıqlanacaq.
