ABŞ nümayəndəsi Cared Kuşner Ukrayna Prezidenti Volodimir Zelenski ilə görüşdən sonra İrlandiyada jurnalistlərə qısa açıqlama verib. O bildirib ki, indiyədək yalnız Rusiya, Ukrayna və ABŞ-ın iştirakı ilə keçirilən danışıqların növbəti mərhələsinə Avropa ölkələri də qoşulacaq.
Qeyd edək ki, Moskva Avropa ölkələrinin danışıqlarda iştirakına açıq şəkildə etiraz edib.
Bundan əvvəl, cümə axşamı günü Kremldə Rusiya Prezidenti ilə görüşün açıq hissəsində çıxış edən Kuşner də avropalıların danışıqlara cəlb edilməsinin vacibliyini vurğulayıb.
“Avropalılar danışıqlar masasında olmadan bu razılaşmanı yekunlaşdıra bilmərik”, – deyə Kuşner Zelenskinin yanında dayanaraq axşam saatlarında bir daha bildirib. Bu barədə AFP agentliyi məlumat yayıb.
