İnsan Hüquqları üzrə Birgə İşçi Qrupu Musavat Partiyasının üzvü Tofiq Yaqublunun həbsdən azad olunması məqsədilə hökumət nümayəndələri ilə danışıqlar aparır.
Azpost.info bildirir ki, bu barədə hüquq müdafiəçisi Əvəz Həsənov bildirib.
“İşçi Qrupunun üzvləri Musavat Partiyasının üzvü Tofiq Yaqublunun aclıq elan etdikdən sonra səhhətində problemlərin yaranmasını nəzərə alaraq onun işinə yenidən ədalətli baxılması və həbsdən azad olunması məqsədilə hökumət nümayəndələri ilə danışıqları davam etdirirlər. Hüquq müdafiəçiləri ümid edirlər ki, tez bir zamanda onun azad olunması üçün prosedur müəyyən olunacaq və Tofiq Yaqublu öz ailəsinə qovuşacaqdır” – deyə o qeyd edib.
