Bu ilin sonunda ABŞ Belarusdakı demokratik hərəkat və vətəndaş cəmiyyətinin nümayəndələri ilə hərtərəfli strateji dialoqa başlayacaq.
Azpost.info xəbər verir ki, bu barədə ABŞ dövlət katibinin müavini Vendi Şerman Vaşinqtonda Belarus müxalifətinin lideri Svetlana Tixanovskaya ilə görüşdə bildirib.
“Hər iki tərəf ümidvar olduğunu bildirib ki, dialoq ABŞ administrasiyasının Belarusla məşğul olan departamentlərini, o cümlədən siyasi liderləri, vətəndaş cəmiyyəti nümayəndələrini, müstəqil jurnalistləri, hüquq müdafiəçilərini, hüquqşünasları, həmkarlar ittifaqı liderlərini bir araya gətirəcək”, – Dövlət Departamentinin məlumatında deyilir.
Bundan başqa, dövlət katibinin müavini Belarus xalqının öz ölkəsinin demokratik, suveren və sabit gələcəyinə dair istəklərini dəstəkləməkdə ABŞ-ın sarsılmaz öhdəliyini xatırladıb.
Azpost.info
