ABŞ dövlət katibi vəkil Şəhla Hümbətova ilə bağlı bəyanat verdi:

"Şəhlanın Vəkillər Kollegiyasına təcili bərpasını tələb edirik"
26 Mart 2021 - 19:03

ABŞ Dövlət katibi Entoni Blinken martın 26-da vəkil Şəhla Hümbətovanın Azərbaycan Vəkillər Kollegiyasından çıxarılması ilə bağlı bəyanat verib.

“2020-ci ildə Beynəlxalq Cəsarətli Qadınlar mükafatının laureatı Şəhla Hümbətovanın insan haqlarının təbliği və müdafiəsi ilə məşğul olduğuna görə kollegiyadan çıxarılması xəbərindən narahat oldum. Şəhlanın quruma təcili bərpasını tələb edirik, onun yanında olacağıq”, – Blinken tvitində yazıb.

Ş.Hümbətova barədə qərar martın 5-də verilib. Onun kollegiyaya üzvlük haqqını ödəməməsi əsas gətirilib. Bakı İnzibati Məhkəməsi bu qərarı Azərbaycan Vəkilləri Kollegiyasının müraciəti əsasında çıxarıb.

Beynəlxalq Vəkillər Kollegiyasının İnsan Haqları İnstitutu (BVKİHİ) azərbaycanlı vəkil Şəhla Hümbətovanın Vəkillər Kollegiyasından çıxarılmasını pisləyib.