“Biz Ermənistan və Azərbaycan arasında sülh danışıqlarını dəstəkləyirik. Bunu dəfələrlə bildirmişik. Biz hər iki tərəfin liderlərini onlar üçün uyğun olan formatda görüşməyə çağırımışıq”.
Azpost.info bildirir ki, bu sözləri ABŞ Dövlət Departamentinin nümayəndəsi Ned Prays brifinqdə Soçidə oktyabrın 31-də keçiriləcək üçtərəfli görüşlə bağlı danışarkən deyib.
O deyib ki, ABŞ möhkəm sülhün əldə olunması üçün birbaşa dialoqa üstünlük verir.
“Dövlət katibi Blinken məhz buna görə, Azərbaycan və Ermənistan XİN başçılarını sentyabrda Nyu-Yorka dəvət etdi. Onlar sentyabrdakı son gərginlikdən sonra ilk dəfə eyni otaqda oturdular. Son nəticədə Putinin dəvətinin səmərəli olub -olmadığına Ermənistan və Azərbaycan qərar verir”-deyə Prays gözlənilən görüş barədə bildirib.
“Rusiyanın 2008-ci ildə Gürcüstana, daha sonra Ukraynaya müdaxiləsi göstərir ki, Moskva öz qonşularının suverenliyinə az hörmət edir. Kreml çətin ki, uzunmüddətli etibarlı tərəfdaş ola bilsin. Bütün hallarda bu Ermənistan və Azərbaycanın qəbul edəcəyi qərar olacaq”– deyə Prays vurğulayıb.
