Dondurulmuş Rusiya aktivlərindən Ukraynanın Bərpa Fonduna ayırmalarla bağlı müddəa ABŞ-ın sülh planının son versiyasından çıxarılıb.
AzPost bildirir ki, bu barədə Bloomberg Avropa rəsmilərinə istinadən məlumat verib. Məluamtda deylir ki, təxminən 100 milyard dollarlıq dondurulmuş Rusiya aktivlərini Ukraynanın Bərpa Fonduna ayıran müddəa ABŞ sülh planının son versiyasından çıxarılıb.
Agentliyin yazdığına görə, bu müddəanın çıxarılması Avropa rəsmiləri arasında nikbinlik yaradıb. İlkin təklifdə ABŞ-ın bu aktivlərdən əldə etdiyi mənfəətin 50%-ni alacağı, istifadə olunmamış dondurulmuş vəsaitlərin isə Rusiya-Amerika investisiya fonduna yönəldiləcəyi nəzərdə tutulurdu.
Aİ ölkələri dondurulmuş Rusiya aktivlərindən istifadə üçün hüquqi mexanizmlər hazırlamağa çalışırlar. Bu aktivlərin əksəriyyəti – 200 milyard avrodan bir qədər çox – Belçikadakı Euroclear platformasında bloklanıb. Depozitar dəfələrlə onların müsadirəsinə qarşı çıxıb və bunun Rusiyanın dünyanın digər yerlərində Avropa və ya Belçika aktivlərini məhkəmə yolu ilə ələ keçirməsinə səbəb ola biləcəyi barədə xəbərdarlıq edib.
Rusiya prezidentinin mətbuat katibi Dmitri Peskov qeyd edib ki, Rusiya aktivləri müsadirə olunarsa, Moskva mütləq Avropa ölkələrinin hərəkətlərinə qarşı qisas alacaq. Öz növbəsində, Rusiya Xarici İşlər Nazirliyinin sözçüsü Mariya Zaxarova bildirib ki, Rusiyanın Aİ ölkələri tərəfindən Ukraynaya “təmir kreditləri” vermək üçün dondurulmuş Rusiya aktivlərindən istifadə etməsinə cavabı çox sərt və ağrılı olacaq.
