ABŞ, London və Avropa Birliyi Kiyevin iştirakı olmadan atəşkəs şərtlərini müzakirə edir –CNN

ABŞ rəsmiləri müntəzəm olaraq Avropa İttifaqı və Britaniyadakı müttəfiqləri ilə Ukraynada atəşkəs üçün mümkün şərtləri müzakirə edirlər.

Azpost.info xəbər verir ki, bu barədə CNN mənbələrinə istinadən məlumat yayıb.

“Danışıqlar, o cümlədən münaqişənin həlli üçün İtaliyanın daha əvvəl təklif etdiyi dörd mərhələli plan ətrafında müzakirələr davam edir”, – CNN yazır.

Telekanalın məlumatına görə, tərəflər məsələni Ukraynanın iştirakı olmadan müzakirə edirlər.

Mənbələr CNN-ə bildiriblər ki, Birləşmiş Ştatlar İtaliyanın böhranın həlli planını dəstəkləmir və tərəflərin atəşkəsə hazır olduğunu görmür: “Vaşinqton ərazi güzəştləri üçün Ukraynaya təzyiq etmək niyyətində deyil. ABŞ Ukraynanı tam təslim olmaq üçün deyil, məsələni sülh yolu ilə həll etmək üçün kifayət qədər uzun müddət dəstəkləyə biləcək”.

Hərbi rəsmilər CNN-ə deyiblər ki, danışıqların dalana dirənməsi Rusiyanın daha çox “qan və sərvət” itirməsi deməkdir. Lakin onların fikrincə, münaqişə nə qədər uzansa, Qərb üçün bir o qədər çox xərc yaranacaq.

Azpost.info

Əvvəlki məqalə

Bakıda hoteldə ər arvadını bıçaqlayıb

Sonrakı məqalə

Sabaha olan hava proqnozu