ABŞ öz müttəfiqləri ilə İrana qarşı yeni sanksiyalar hazırlayır.
Azpost.info bildirir ki, bu barədəprezidentin milli təhlükəsizlik müşaviri Cek Sallivanın bəyanatında deyilir.
Sallivan deyib ki, Prezident Co Bayden müttəfiqləri, o cümlədən G7 ölkələri , eləcə də Konqresdəki hər iki partiyanın liderləri İranın İsrailə qarşı misli görünməmiş hava hücumuna hərtərəfli cavab hazırlamaq üçün müzakirələrə qoşulur.
“ABŞ yaxın günlərdə İrana, o cümlədən onun raket və dron proqramlarına, həmçinin İslam İnqilabı Keşikçiləri Korpusuna (SEPAH) və İran Müdafiə Nazirliyinə dəstək verən təşkilatlara qarşı yeni sanksiyalar tətbiq edəcək”, – deyə bəyanatda bildirilir.
Sallivan deyib ki, yeni sanksiyalar və digər tədbirlər İranın hərbi gücünü və effektivliyini məhdudlaşdırmaq və azaltmaq, habelə Tehranın həyata keçirdiyi qeyri-qanuni əməliyyatlara qarşı təzyiqi artıracaq.
Son üç il ərzində ABŞ raket və dronlarla bağlı sanksiyalara əlavə olaraq, terrorizm, terrorizmin maliyyələşdirilməsi və qeyri-qanuni ticarətin digər formaları, insan hüquqlarının pozulması və etibarnamə dəstəyi ilə əlaqəli 600-dən çox fiziki və hüquqi şəxsə qarşı sanksiyalar tətbiq edib. “Biz İran hökumətini sabitliyi pozan hərəkətlərinə görə məsuliyyətə cəlb etmək üçün dünya üzrə müttəfiqlərlə koordinasiyada hərəkət etməkdən çəkinməyəcəyik”-deyə bəyanatda vurğulanır.
Azpost.info