Moskva noyabrda San-Fransiskoda keçiriləcək Asiya-Sakit okean İqtisadi əməkdaşlıq Təşkilatının (APEC) iqtisadi Forumunda iştirak səviyyəsini müstəqil şəkildə müəyyənləşdirəcək. ABŞ-ın rolu yalnız dəvəti göndərməkdir.
Azpost.info bildirir ki, bu barədə Rusiyanın ABŞ-da səfiri Anatoli Antonov bildirib.
Qeyd edək ki, dünən ABŞ Dövlət Departamentinin sözçüsü Metyu Miller ABŞ-ın APEC sammiti ilə bağlı Moskvaya dəvət göndərərkən sanksiyaları rəhbər tutacaqlarını deyib. O, həmçinin prezident Vladimir Putinin bu forumda iştirakı gözlənilmədiyini bildirib.
“Vaşinqtona APEC-in sədri kimi dəvətnamələrin göndərilməsi texniki funksiya kimi həvalə edilib. O sənəd hazırlamalı və onu assosiasiyanın bütün iştirakçılarına göndərməlidir”, – Antonov teleqram kanalında bildirib.
“Nümayəndə heyətinin tərkibi və təmsilçilik səviyyəsi ilə bağlı qərar Rusiyanın səlahiyyətindədir. Bizdən San-Fransiskoya kimin gedəcəyini praktiki məqsədəuyğunluğa əsaslanaraq, dəvəti alan kimi müəyyən edəcəyik”.
Antonov ABŞ-ın APEC sammitinə dəvət göndərilməsini birtərəfli sanksiyaların həyata keçirilməsi ilə şərtləndirmək cəhdlərini beynəlxalq öhdəliklərin pozulmasına misal çəkib.
Rusiyanın APEC-də xüsusi tapşırıqlar üzrə səfiri Marat Berdiyevin RİA Novosti-yə verdiyi məlumata görə, Vaşinqton Moskvaya Vladimir Putini San-Fransiskoda keçiriləcək APEC sammitinə dəvət etməyəcəyi barədə məlumat verib.
Asiya-Sakit Okean İqtisadi Əməkdaşlıq Təşkilatı Asiya-Sakit Okean regionunun 21 ölkəsini birləşdirən ticarət-iqtisadi forumdur. Bu il sammit noyabrın 11-dən 17-dək San-Fransiskoda keçiriləcək.
Azpost.info
