ABŞ Ədliyyə Nazirliyi rus oliqarxlarına sanksiyalardan yayınmağa kömək edib-etmədiklərini müəyyən etmək üçün bir sıra Avropa banklarını yoxlayacaq.
Azpost.info xəbər verir ki, bu barədə “Bloomberg” məlumat yayıb.
Onların arasında İsveçrənin “Credit Suisse” və UBS bankaları da var. ABŞ Ədliyyə Nazirliyi davam edən istintaq çərçivəsində bu banklara çağırış vərəqələri göndərib.
Nəşrin məlumatına görə, ABŞ-in iri kredit təşkilatlarının əməkdaşları da çağırış vərəqəsini alıblar. Lakin onların adları hələlik açıqlanmır.
“Ədliyyə Nazirliyi sanksiyalar altında Rusiya müştəriləri ilə iş aparan bank işçilərini müəyyən etmək istəyir. Eyni zamanda bu müştərilərin son vaxtlar necə yoxlanıldığını və hər hansı qanun pozuntusunun olub-olmadığını öyrənməyi planlaşdırır”, – agentlik bildirir.
Azpost.info
