ABŞ və NATO qüvvələri Əfqanıstandakı Baqram aviabazasını tərk edib

02 İyul 2021 - 10:43

ABŞ və NATO qüvvələri Əfqanıstanın Pərvan əyalətinin Baqram şəhərində yerləşən aviabazanı tərk edib.

Bu barədə Pentaqon nümayəndəsi açıqlama verib.

“Bütün koalisiya qüvvələri Baqram aviabazasından çıxıb”, – deyə Pentaqon rəsmisi AFP-yə bildirib.

Bununla belə, o, aviabazanın Əfqanıstan Silahlı Qüvvələrinə nə vaxt təhvil veriləcəyini deməyib.

Qeyd edək ki, ABŞ Prezidenti Co Bayden bu il aprelin 14-də Əfqanıstanda əməliyyatları başa çatdırmaq barədə qərar verdiyini açıqlayıb. Qoşunların Əfqanıstandan çıxarılmasına bu ilin mayından start verilib.

Xatırladaq ki, ABŞ Əfqanıstanda hərbi əməliyyatlara 2001-ci ilin oktyabr ayından başlayıb.