Avropa İttifaqının Rusiyaya qarşı 10-cu sanksiyalar paketi 121 fiziki və hüquqi şəxsə təsir edəcək.
Azpost.info xəbər verir ki, bunu Niderlandın xarici işlər naziri Vopke Qukstra bildirib.
Yeni sanksiyalar çərçivəsində Brüssel ikili təyinatlı məhsul və texnologiyaların ixracına qoyulan məhdudiyyətləri sərtləşdirəcək və Rusiya təbliğatına qarşı tədbirlər görəcək.
“İxrac qadağaları və 121 hüquqi və fiziki şəxsi əhatə edən 10-cu sanksiyalar paketini alqışlayırıq”, – XİN rəhbəri deyib.
Nazir qeyd edib ki, ölkəsi yeni paketə ukraynalı uşaqların deportasiyasına cavabdeh olan şəxslərin daxil edilməsində israrlıdır: “Bundan başqa, siyahıya Rusiyaya sanksiyalardan yayınmağa kömək edənlər də daxil olacaq”.
Azpost.info
