Avropa İttifaqı (Aİ) ölkələri sanksiyalara məruz qalan rusların 14,6 milyard dollarlıq aktivlərini dondurub.
Azpost.info xəbər verir ki, bu barədə “Bloomberg” məlumat yayıb.
Agentliyin məlumatına görə, Avropa ölkələri Rusiya aktivlərinin axtarışı mexanizminin təkmilləşdirilməsi üzərində işləyir, həmçinin dondurulmuş aktivlərin saxlanması xərclərini kompensasiya etmək yollarını axtarır.
Qeyd edək ki, Madriddə keçirilən sammitdə G7 ölkələrinin liderləri Rusiyanın dondurulmuş aktivlərindən Ukraynaya kömək üçün istifadə imkanlarını müzakirə ediblər. İyun ayında Avropa Parlamenti Rusiyanın aktivlərinin müsadirə edilməsi mexanizminin hazırlanmasını təklif edib. Rusiyanın xarici işlər naziri Sergey Lavrov bu təşəbbüsü “oğurluq” adlandırıb.
Azpost.info
