Şirkətlərin Rusiya nefti və neft məhsulları üçün müəyyən edilmiş qiymət həddini pozmasının qarşısını almaq üçün Avropa İttifaqı Qərbin sanksiyalarından yan keçməyə çalışan gəmilərin öz limanlarına girişini qadağan edəcək.
Azpost.info xəbər verir ki, belə bir təklif Aİ tərəfindən nəzərdən keçirilən 11-ci sanksiyalar paketində yer alıb.
“Bloomberg” Avropa Komissiyasının sənədlərinə istinadən yazır ki, bu cür hərəkətlər fırıldaqçılıq əməlləri kimi qiymətləndirilir və ekoloji risklərin sayının kəskin artmasına səbəb olur.
Xüsusilə Rusiya neftini bir gəmidən digərinə daşımaqda şübhəli bilinən tankerlərin Avropa limanlarına girişinə qadağa qoyulması təklif edilir. Bu, adətən mənşəyini gizlətmək və ya digər növlərlə qarışdırmaq üçün edilir.
Beynəlxalq Enerji Agentliyinin məlumatına görə, aprel ayında ixrac edilən Rusiya neftinin orta qiyməti Avropa İttifaqı və G7-nin müəyyən etdiyi 60 dollar/barel həddini keçib. Əsasən Çinə göndərilən ESPO markalı neft isə son həftələrdə Uzaq Şərqdə bir barel üçün 74 dollara satılıb.
Azpost.info
