Ermənistanın baş naziri Nikol Paşinyana binanın 9-cu mərtəbəsindən alma atan yaşlı kişi azadlığa buraxılıb. Lakin cinayət təqibi davam edəcək.
Azpost.info-nun məlumatına görə, Pastinfo-ya məlum olub ki, müxalif deputatlar istintaq təcridxanasında saxlanılan yaşlı kişiyə baş çəkmək istəyiblər, lakin istintaq təcridxanasından həmin adamın onlarda olmadığını bildiriblər. Məlum olub ki, qoca sərbəst buraxılıb.
Ermənistan İstintaq Komitəsi ona ER Cinayət Məcəlləsinin 297-ci maddəsinin 1-ci hissəsi ilə ittiham elan edildiyini, həbs-qətimkan tədbiri qismində iştirak qadağasının seçildiyini və o, azadlığa buraxıldığını bildirib.
Xatırladaq ki, hadisə İrəvanın Kanaker-Zeytun inzibati rayonunda baş verib.
ArmLur.am-ın məlumatına görə, 9-cu mərtəbədəki mənzilin 71 yaşlı sakini Paşinyanı görüb və ona alma atıb. Yaşlı kişi xuliqanlıqda şübhəli bilinərək saxlanılıb.
Nikol Paşinyana alma atmaqda şübhəli bilinən 71 yaşlı Qarabağda olan Albert Arustamyandır. Onun ailə üzvləri (iki qızı və bir nəvəsi) öz iradələri olmadan həmin gün Zeytun polis şöbəsinə aparılaraq səhər saat yeddiyə qədər orada saxlanılıblar.
Şahidlər deyirlər ki, Nikol Paşinyan və sonuncunun mühafizəsi onlara qumbara atıldığını güman edib və dərhal yerə uzanıb.
