Tatarıstana
Səhər saatlarında Ukrayna PUA-ları Rusiyanın Saratov vilayətinə hucum edib.
Azpost.info TASS-a istinadən bildirir ki, hava hücumundan müdafiə sistemləri Saratov vilayətində bir neçə PUA-nı məhv edib. Saratov və Engelsdə yaşayış binalarda dağıntılar var. Qubernator Roman Busarqinin sözlərinə görə, nəticədə itkilər olub, bir qadın ağır vəziyyətdə xəstəxanaya yerləşdirilib. Təcili yardım və əməliyyat xidmətləri gücləndirilmiş iş rejimində işləyir.
Saratov şəhərinin Qaqarin Beynəlxalq Hava Limanında pilotsuz təyyarənin hücumu ilə əlaqədar təyyarələrin gəlişi və gedişi ilə bağlı müvəqqəti məhdudiyyətlər tətbiq edilib. Bu barədə TASS-a hava limanının mətbuat xidməti məlumat verib.
“Hazırda Qaqarin hava limanında hava hərəkəti orqanları təyyarələrin qəbulu və yola salınmasına müvəqqəti məhdudiyyətlər qoyub. “Rossiya Hava Yolları”nın Moskvaya (Şeremetyevo hava limanı) FV-6490 reysi uçuşa gecikir”, – mətbuat xidmətindən bildirilib.
