Almaniya Bundestaqı Ukraynaya kömək üçün dondurulmuş Rusiya aktivlərindən istifadəni rədd edib
AzPost bildirir ki, müxalif Yaşıllar Partiyası Almaniya hökumətini Kiyevi G7 səviyyəsində maliyyələşdirmək üçün Rusiya aktivlərindən hərtərəfli istifadəni dəstəkləməyə çağırmağı təklif edib. Lakin bu təklif Almaniya parlamentində uğursuzluğ düçar olub: hakim mühafizəkar CDU/CSU və Almaniya Sosial Demokrat Partiyası (SPD), eləcə də ifrat sağçı Almaniya Alternativi (AfD) bunun əleyhinə səs verib. Sol Partiya bitərəf qalıb.
Debat zamanı Yaşıllar Partiyasının üzvü Robin Vagener mənəvi prinsiplərə çağırıb: “Necə olur ki, Avropadakı Rusiya aktivləri Ukraynadakı insanlardan daha yaxşı qorunur?”. CDU/CSU və SPD-dən olan parlament üzvləri prinsipcə etiraz etməyiblər, lakin problemli aspektləri qeyd ediblər. Xüsusilə, sosial -demokrat Yohan Şraps qeyd etdi ki, Rusiya aktivlərindən hərtərəfli istifadə cəhdi bu təklifə qarşı çıxan Belçika ilə münasibətləri çətinləşdirə bilər. Həmçinin G7 qərarının ABŞ ilə əlaqələndirilməli olduğu və Donald Trampın necə reaksiya verəcəyi məlum olmadığı deyilib.
AfD əsasən Moskvanın arqumentlərini təkrarlayıb. Digər məsələlərlə yanaşı, ifrat sağçılar Rusiyada hələ də fəaliyyət göstərən Metro kimi alman şirkətlərinə qarşı Rusiyanın mümkün cavab tədbirlərinə işarə ediblər. Almaniya üçün Alternativ (AfD) üzvləri Fridrix Merts hökumətini Avropa Komissiyasının təklifinin bütün 27 AB ölkəsi tərəfindən dəstəklənməyəcəyi təqdirdə “B Planı”nın olmamasına görə tənqid ediblər.
