Almaniya İsraildən “Arrow 3” raket əleyhinə müdafiə sistemləri alacaq.
Azpost.info xəbər verir ki, bu barədə “The Jerusalem Post” məlumat yayıb.
Belə sistemlərin dəyərinin 2,2 milyard avro olduğu və onların 2025-ci ilə qədər istifadəyə verilə biləcəyi bildirilir.
“Arrow 3” sisteminin Almaniyanın üç obyektində quraşdırılacağı və onun Polşa, Rumıniya və Baltikyanı ölkələri də əhatə edəcəyi güman edilir.
İsrailin raket əleyhinə sisteminin alınması ilə Almaniyanın Avropanın təhlükəsizliyinin təmin edilməsində əsas rolu təmin edəcəyi qeyd olunur.
“Arrow 3” müasir və effektiv raket əleyhinə müdafiə sistemlərindən biridir. O, 2 min km. məsafədə və 100 km-dək yüksəklikdə uçan raketləri ələ keçirməyə, “İskəndər -M” raketlərini sıradan çıxarmağa qadirdir.
Azpost.info
