Almaniya polisi məscidlərə nəzarəti gücləndirib- FOTO

Almaniyada məscidlərin hücum təhdidləri almaları Federal Daxili İşlər Nazirliyini gücləndirilmiş iş rejiminə keçirib.

“Report”un Avropa bürosunun məlumatına görə, təhdidlərin haradan və kimlərdən gəldiyi bilinməsə də, məscidlərə qarşı ola biləcək hansısa hücumun qarşısını almaq məqsədi ilə ətrafda polis patrul xidməti daha da gücləndirilib.

Federal Daxili İşlər Nazirliyindən bildirilib ki, məscidlərlə bağlı sonuncu təhdid faktı Hessen federal əyalətinin paytaxtı Viesbaden şəhərində qeydə alınıb.

Naməlum şəxsdən (və ya şəxslərdən) məktub alan Diyanət İşləri, Türk-İslam Birliyinə (DİTİB) aid məscidlərdən biri ötən həftə cümə namazı vaxt müvəqqəti olaraq bağlanıb.

Məlumat üçün bildirək ki, hazırda Almaniyada 2 800 məscid var. Onlardan 900-ü DİTİB-ə aiddir. Məscidlər tez-tez müxtəlif hücumlara məruz qalır. Əsasən radikal irqçilər tərəfindən edilən hücumlar zamanı məscidlərin qapısına kəsilmiş donuz başı atılır, qapı və pəncərələrin şüşələri sındırılır, divarlara satanizm və nasizm işarələri çəkilir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Ölkədə koronavirusa yoluxan 5246 nəfərdən 3327-si sağalıb-

Sonrakı məqalə

Bərdədə polisi bıçaqlayan şəxsə 3 maddə ilə cinayət işi açılıb –