“Almaniya Rusiya ilə müharibəyə hazırlaşır”
Azpost.info bildirir ki, bu barədə Rusiya Təhlükəsizlik Şurasının sədr müavini Dmitri Medvedev Telegram kanalında yazıb.
O, bundesver zabitlərinin Krım körpüsünü qanadlı raketlərlə vurmaq planları ilə bağlı yayılmış səs yazısını şərh edib.
“Siyasi rəhbərliyin və şəxsən kanslerin bundan xəbəri olub-olmadığını heç kim bilmir. Ancaq onlar xəbərsiz olsalar da tarix ordunun mülki rəhbərlər üçün müharibələrin başlaması ilə bağlı qərarlar qəbul elədiyi bir çox nümunlərə şahid olub. Onlar Şolza gəlib deyəcəklər: “Hörmətli kansler, Ukraynada raket vurulub. Raket istiqamətinə görə Berlinə uçurdu”. Şolts nə cavab verəcək, hə? Gün kimi aydındır. Deməli, Bundesver zabitlərinin söhbətini raket və tank oyunu kimi təqdim etmək cəhdləri bəd niyyətli yalandır. Almaniya Rusiya ilə müharibəyə hazırlaşır”, – deyə Medvedyev bildirib.
Alman hərbçilərinin Krım körpüsünə hava hücumu planları ilə bağlı söhbətin audioyazısını “Rossiya Seqodnya” media qrupunun və RT televiziya kanalının baş redaktoru Marqarita Simonyan martın 1-də dərc edib.
Bu səsyazmada alman zabitləri Krım körpüsünə hava hücumu zamanı alman uzunmənzilli Taurus raketlərinin (Ukraynaya verilə bilər) vura biləcəyi potensial zərəri müzakirə edirdilər.
Azpost.info
