“Bayden administrasiyası Moskvadakı Lefortovo İstintaq Təcridxanasında saxlanılan amerikalı jurnalist Evan Gerşkoviçlə görüş imkanlarını axtarmağa davam edir”.
Azpost.info xəbər verir ki, bunu Ağ Evin Milli Təhlükəsizlik Şurasının rəsmi nümayəndəsi Con Kirbi bildirib.
“Səfirliyimizdən heç kim onunla görüşə bilməyib. Əlbəttə, biz məsələ üzərində işləməyə davam edirik və onun necə olduğunu görmək üçün konsulluq icazəsi alana qədər bunu davam etdirəcəyik”, – Ağ Ev rəsmisi deyib.
Kirbinin sözlərinə görə, Gerşkoviçin həbsi və ona qarşı irəli sürülən ittihamlar Vaşinqton üçün gözlənilməz olub.
Onun sözlərinə görə, Rusiyanın jurnalistlərə qarşı ciddi addımlar planlaşdırdığına dair heç bir işarə olmayıb.
Evan Qerşkoviç martın 30-da Rusiyada casusluq ittihamı ilə həbs olunub.
Azpost.info
