Dondurmanın bütün növləri eyni dərəcədə faydalı deyil. Buna görə də ilk növbədə onun tərkibini təşkil edən maddələrə diqqət yetirmək lazımdır.
Azpost.info bildirir ki, bu barədə tibb elmləri namizədi, “Gemotest” laboratoriyasının həkim – qastroenteroloqu Yekaterina Kaşux Gazeta.Ru-ya müsahibəsində bildirib.
Onun sözlərinə görə, allergiyaya meyilli insanlar tərkibində müxtəlif qatqılar olan dondurmalardan az yeməlidirlər. Kaşux deyir ki, belə dondurma çox vaxt yüksək kalorili olur və tərkibində çoxlu əlavələr -rəngləndiricilər, ləzzət verən dad komponentləri və xərçəngin inkişaf riskini artıra bilən digər maddələr olur.
Onun sözlərinə görə, “plombir” ən populyar dondurma növüdür, lakin onun kalorisi çox yüksəkdir – 100 q məhsula təxminən 400-500 kkal təşkil edir.
“Dondurma seçərkən onun tərkibinə baxmaq lazımdır. GOST-a görə, belə dondurmanın tərkibində ən azı 12% yağlı süd olmalıdır. Əgər bədən çəkisi normaldırsa, gündə bir dəfə bir porsiya dondurma (80 q) zərər verməz. Ancaq sağlamlıq üçün bədən çəkisi və ya qidanın yağ tərkibini azaltmaq lazımdırsa, daha az kalorili qidalara keçmək, süd və qaymaq əsaslı dondurmadan imtina etmək daha yaxşıdır. Daha sağlam alternativ meyvəli buz və ya şərbətdir”, – deyə tibb elmləri namizədi Yekaterina Kaşux izah edir.
Qastroenteroloq deyib ki, ən aşağı kalorili və sağlam soyuq desert meyvəli buzdur. Çünki 100 q-da cəmi 110-130 kkal olur, vitaminlərlə zəngindir və isti havalarda susuzluğu da yaxşı yatırır.
Mağazada meyvə şirəsi seçərkən onun tərkib hissələrini öyrənmək lazımdır. Təbii meyvə şirəsi və ya püresində boyalar və dadverici maddələr minimal miqdarda olmalıdır.
Həkim xəstəliklərin qarşısını almaq üçün dondurmanı istidə kiçik hissələrlə, otaq temperaturunda olan içkilərlə birgə yeməyi tövsiyə edib. Bu içkilər isti olmamalıdır. Məsələn, evdə hazırlanmış kompotlar, meyvə içkiləri, çay ola bilər. Bu hərəkətlər tonzillit (udlaq badamcıqlarının iltihabı) inkişaf riskini azaltmağa kömək edəcək.
Azpost.info
