Avropa Parlamentinin üzvləri münaqişənin sona çatmasından sonra Ukraynanın NATO-ya inteqrasiyası prosesinin başlanmasını tələb edən qətnamə qəbul ediblər.
Azpost.info xəbər verir ki, qətnaməni 425 deputat dəstəkləyib, 38 deputat onun əleyhinə səs verib, 42 deputat bitərəf qalıb.
Sənəddə deyilir ki, Avropa Parlamentinin deputatları Ukraynanın Alyansa daxil olması prosesinin münaqişə bitdikdən sonra başlanacağını və mümkün qədər tez başa çatacağını gözləyirlər.
Bundan başqa, qətnamədə qeyd olunur ki, Ukraynanın NATO-ya tam üzvlüyünə qədər Aİ ölkənin təhlükəsizliyinin təminatı mexanizmini hazırlamaq üçün Kiyevlə sıx əməkdaşlıq etməlidir.
Azpost.info
