“Avropa Rusiyanı İrəvan və Bakı arasında münasibətlərin tənzimləmə prosesindən çıxarmağa nail ola bilməyəcək”.
Azpost.info bildirir ki, bu sözləri Putin Avropa Birliyinin təşəbbüsü olan Azərbaycan və Ermənistan liderlərinin Praqa görüşünün Soçi görüşü ilə müqayisəsi barədə suala cavab verərəkən deyib.
“Praqada görüşün nə üçün Rusiyasız keçirilməsi bizə aydındır. Bizim avropalı tərəfdaşlarımız öz siyasətlərini həyata keçrirərən Rusiyanı bütün formatlardan kənarda saxlamağa cəhd edilər. Aydındır ki, bu bəzi situasiyalarda, məsələn bu məsələdə tamamilə qeyri-realdır. Lakin biz öz tərəfimizdən tənzimlənmə üçün göstərilən bütün səyləri alqışlayırıq”-deyə Putin bildirib.
Qeyd edək ki, oktyabrın 6-da Praqada Avropa İttifaqı Şurasının rəhbəri Şarl Mişelin və Fransa prezidenti Makronun təşəbbüsü ilə Azərbaycan və Ermənistan liderlərinin görüşü keçirilib.
