Avropanın bu ölkəsi koronavirusa qalib gəldiyini elan etdi

25 May 2020 - 18:12

Monteneqro prezidenti Milo Cukanoviç ölkəsinin koronavirusa qalib gəldiyini elan edib.

Trend-in məlumatına görə, o, bu barədə rəsmi “Twitter” səhifəsində yazıb.

Ölkə rəhbəri Monteneqroda yeni yoluxma halının aşkarlanmadığını açıqlayıb.

Monteneqro rəsmilərinin dediyinə görə, müalicə olunanların hamısı sağalıb. Bu günə qədər ümumilikdə 324 nəfər koronavirusa yoluxub, 9 nəfər vəfat edib.