Avstraliya hökuməti Qüdsü İsrailin paytaxtı kimi tanımaq barədə əvvəlki qərarını ləğv edib.
Azpost.info xəbər verir ki, bu barədə “The Guardian” yazır
Nəşrin məlumatına görə, son bir neçə gündə Avstraliya Xarici İşlər Nazirliyinin saytından iki bəyanat silinib. Birinci bəyanatda 2018-ci ilin dekabrında Avstraliyanın Knessetin və İsrail hökumətinin bir çox qurumlarının yerləşdiyi Qərbi Qüdsü İsrailin paytaxtı kimi tanıdığını bildirilirdi.
İkinci bəyanatda qeyd olunurdu ki, Avstraliya iki dövlətin yekun statusu müəyyən edildikdən sonra səfirliyini Qərbi Qüdsə köçürməyi səbirsizliklə gözləyir.
“The Guardian” xatırladır ki, 2018-ci ildə Avstraliyanın xarici işlər naziri Penni Vonq leyboristlərin Qüdsün birtərəfli qaydada İsrailin paytaxtı kimi tanınmasını dəstəkləmədiyini və hökumətin bu qərarı ləğv edəcəyini bildirmişdi.
Azpost.info
