Azərbaycanda koronavirusdan ölənlərin yaş qrupları açıqlandı

29 May 2020 - 18:56

Koronavirusdan ölənlərin yaş faizi açıqlanıb.

Nazirlər Kabineti yanında Operativ Qərargahın mətbuat konfransında TƏBİB-in İdarə Heyətinin sədri Ramin Bayramlı bildirib ki, vəfat edənlərin 20 nəfəri 60-69 yaşdadır.

“Bu isə ölənlərin 34 faizini təşkil edib. Ümumilikdə vəfat edənlərin 2 faizi, yəni 1 nəfər 30-39 yaş, 3 faizi, yəni 2 nəfəri 40-49 yaş, 13 nəfəri, yəni 22 faizi 50-59 yaş, 17 nəfəri, yəni 29 faizi 70-79 yaş, 5 nəfəri, yəni 9 faizi 80 yaşdan yuxarı şəxslərdir”.

Ölkədə koronavirusa yoluxma ən çox 50-59 yaş arasında olan şəxslərdədir.

Ramin Bayramlı bildirib ki, yoluxmanın 21 faizi bu yaş qrupu üzrədir.