Ağcabədidə yeni doğulan körpəni küçəyə atdılar –

FOTO
22 İyul 2021 - 15:09

Azərbaycanda daha bir yenidoğulan körpə küçəyə atılıb.

Bu barədə “Azərbaycan Uşaqları” İctimai Birliyinin sədri Kəmalə Ağazadə öz feysbuk səhifəsində məlumat verib.

Onun sözlərinə görə, körpə oğlan Ağcabədi rayonunda küçəyə atılıb: “Bu mələk bu gündən anasızdır. 15 gün ərzində bizim bildiyimiz 3-cü atılan uşaqdır. Bu dəfə də Ağcabədidə”.

Qeyd edək ki, daha öncə Sumqayıt və Ucarda körpələr küçəyə atılmışdı.

**

Ağcabədidə küçəyə atılan körpənin vəziyyəti normaldı.

Bu barədə Yenisabah.az-a Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu məlumat verib.

O bildirib ki, məsələ Dövlət komitəsinin nəzarətindədir: “Hazırda körpə Ağcabədi Rayon Mərkəzi Xəstəxanasıda müayinə olunur, bütün lazımı tədbirlər də görülür”.

Qeyd edək ki, bu gün körpə oğlan uşağı Ağcabədi rayonunda küçəyə atılıb.