Azərbaycanlı hakim-inspektor Ermənistanın oyununa təyinat alıb

10 Avqust 2021 - 16:24

Beynəlxalq dərəcəli hakim-inspektor Elçin Səmədli növbəti təyinat alıb.

Apasport.az xəbər verir ki, bu barədə AFFA rəsmi saytı vasitəsilə məlumat yayıb.

Səmədli qadınlardan ibarət komandalar arasında futzal üzrə Avropa çempionatının seçmə mərhələsində B qrupunda keçiriləcək oyunlarda iştirak edəcək. Bu qrupda Niderland, Moldova, Bosniya və Herseqovina və Ermənistan milli komandaları mübarizə aparacaqlar.

Oyunlar avqustun 16-dan 19-dək Moldovada təşkil olunacaq.