AZAL Almatı şəhərinə uçan təyyarə reyslərini ləğv edib

05 Yanvar 2022 - 19:59

AZAL Almatı şəhərinə həyata keçirilən reysləri ləğv edir.

Bu barədə “Azərbaycan Hava Yolları QSC”-nin Mətbuat Xidmətindən bildirilib.

Qeyd edilib ki, qərar Qazaxıstanda baş verən hadisələrlə əlaqədar qəbul edilib.

“Bakı-Almatı marşrutu üzrə və əks istiqamətdə reyslərə bilet almış bütün sərnişinlərə biletin dəyəri tam geri qaytarılacaq və ya pulsuz yenidən rezervasiya təklif olunacaq”, – məlumatda vurğulanıb.

Xatırladaq ki, Bakı-Almatı üzrə reyslər aviaşirkət tərəfindən həftənin cümə günləri, Almatı-Bakı reysi isə şənbə günləri həyata keçirilirdi.