Kiyev növbəti əks-hücumna qədər Vaşinqtondan vəd etdiyi “Abrams” tanklarını ala bilər.
Azpost.info TASS-a istinadən bildirir ki, bu barədə Ukraynanın xarici işlər naziri Dmitri Kuleba bildirib.
Ukrayna telekanallarına müsahibəsində Kuleba vurğulayıb ki, silahlı qüvvələrinin hazırkı əks-hücumuna sonuncu hucum kimi yanaşmaq olmaz. Onun sözlərinə görə, Ukraynada lazım olan qədər əks-hücum olacaq.
Nazir qeyd edib ki, Vaşinqton artıq Kiyevə “Bradley” zirehli texnikası verir və “Abrams” tanklarının tədarükü ilə bağlı qərarın qəbulu məsələsi prosesdədir: “Buna görə də biz hələlik işləyirik. Lakin nəzərə alırıq ki, eyni şəkildə gələcək hücumlar üçün tanklara, zirehli transportyorlara və digər texnikaya ehtiyacımız olacaq”.
“Abrams” tankları hazırkı hücumda istifadə üçün Ukraynaya gətirilə bilərmi?”sualına nazir “ümid var” deyə cavab verib.
XİN rəhbəri həmçinin etiraf edib ki, bəzi Qərb ölkələri Kiyevə təzyiq edir, əks-hücumda böyük nəticələr gözləyirlər. Onların dəstəklə bağlı mövqeyi gələcəkdə dəyişə bilər. Nazirn sözlərinə görə, buna baxmayaraq heç bir ölkədən “Kiyev payıza qədər həlledici uğur qazanmasa hər şey bitəcək” kimi siqnallar yoxdur.
Rusiya ilə danışıqlardan danışan Kuleba bir daha vurğulayıb ki, bu danışıqlar yalnız Moskvanın Ukrayna ərazilərindən qoşunlarını çıxarması şərti ilə mümkündür. Onun sözlərinə görə, Qərb tərəfdaşları bu mövqeyə anlayışla yanaşırlar.
Azpost.info
