Bağdadın “yaşıl zonasına” 4 raket düşdü- ABŞ səfirliyində hava hücumu sirenləri səsləndi

İraq təhlükəsizlik qüvvələri Bağdadda dövlət idarələrinin və xarici səfirliklərin yerləşdiyi “yaşıl zona”ya dörd raketin düşdüyünü bildirib.

Azpost.info xəbər verir ki, bu barədə “The Jerusalem Post” yazır.

Bir neçə binaya ziyan dəydiyi bildirilir, mülki itkilər barədə məlumat verilmir.

Raket zərbələrindən əvvəl “yaşıl zona”da yerləşən ABŞ-ın İraqdakı səfirliyində hava hücumu sirenləri səslənib.

Qeyd edək ki, ötən gün İraqın ən nüfuzlu siyasi xadimlərindən biri olan şiə imamı Müqtəda əs-Sədr öz “Tviter” səhifəsində ölkənin siyasi həyatını tərk etdiyini və onun hərəkatını dəstəkləyən bütün əsas qüvvələrin işini dayandırdığını elan edib. Bundan dərhal sonra Bağdadda xalq iğtişaşları və polislə toqquşmalar başlayıb.

Azpost.info

Əvvəlki məqalə

İki Avropa ölkəsi ruslara Şengen qadağasına qarşı çıxdı

Sonrakı məqalə

Nəsibə Abdullayevaya “Xalq artisti” fəxri adı verildi –