Bahalı maşınları
Bahalı maşınları səkidə saxlayıb getdilər
Yollarda dayanma və durma qaydalarını pozan sürücülərə cərimə yazıldığını tez-tez müşahidə edirik. Bəs səkilərdə park edilən avtomobillər cərimə olunurmu?
AzPost bildirir ki, paytaxtın 28 may küçəsində dayanma-durma qaydalarını kobud şəkildə pozan sürücü görüntülənib. Belə ki, 10-DO-660 dövlət nömrə nişanlı, “Lexus” markalı avtomobilin sürücüsü maşını səkidə park edib.
Analoji hadisə paytaxtın Nəsib bəy Yusifbəyli küçəsində də qeydə alınıb. Belə ki, 77-MM-545 dövlət nömrə nişanlı “Toyota” markalı avtomobilin sürücüsü də eyni qaydanı pozub.
Qeyd edək ki, bahalı maşınları səkidə saxlayanlar bu qayda pozuntusuna görə İnzibati Xətalar Məcəlləsinin müvafiq maddəsi ilə cərimə nəzərdə tutulub.
Xatırladaq ki, səkilərin zəbt edilməsinə qarşı tədbirlər yeni qəbul olunmuş Dövlət Proqramında əks olunub.
Proqramda piyada infrastrukturu üzrə şəhər rəhbərliyinə tapşırılan işlər;
1. Səkilərin mövcud vəziyyətinin araşdırılması;
2. Səkilərin normativ sənədlərin tələblərinə uyğun (panduslarla birgə) inşası;
3. Səkilərin zəbt edilməsi hallarının qarşısının alınması;
4. Piyada keçidlərinin işıqlandırma ilə təmin edilməsidir. İlk üç tədbir 2025-2030-cu illər, sonuncu isə 2025-ci il ərzində görülməlidir.
