Hindistanda adı açıqlanmayan şəxs 2 il pulsuz olaraq 5 ulduzlu oteldə yaşamaqda ittiham olunur.
Azpost.info bildirir ki, bu barədə “Focus” nəşri yazır.
Bu şəxs Dehli hava limanı yaxınlığındakı dəbdəbəli “Roseate House” otelində 603 gün yaşayıb. Otel əməkdaşlarından biri onun yaşayış üçün pul ödəmədiyini və orada qalmaq hüququnun olmadığını müəyyən edib.
Bu saxtakarlığı aşkar edən otel rəhbərləri polisə xəbər verib.
Otelin məlumatına görə, kişinin onlara 5 milyon rupidən çox (70 min dollar) borcu yaranıb. O, həmçinin artan borcunu ört-basdır etmək üçün işçilərlə əlbir olmaqda ittiham olunur.
İstintaqın məlumatına görə, təqsirləndirilən şəxs 30 may 2019-cu ildə yalnız bir gecəlik yaşayış yeri sifariş edərək qeydiyyatdan keçib. Lakin o, müxtəlif üsullardan istifadə edərək 22 yanvar 2021-ci il tarixinədək oteldə qala bilib. Nəşr qeyd edir ki, əməkdaşlardan biri pulu ödəməməsinə baxmayaraq, onun guya qalma müddətini uzadıb.
Yəqin ki, sxem özgə hesabları ilə edilən fırıldaqdan və ya bir hesabın digərinə dəyişdirilməsindən ibarət olub. Bu da cinayətkarın nəzərə çaprmamasını təmin edib. Lakin sonda onun hiyləsi üzə çıxıb.
Azpost.info
