“Bakı Rusiya və Türkiyə ilə danışıq aparacaq hökumət orqanı yaratmalıdır” –Tofiq Zülfüqarov sülhməramlı missiyadan yazdı

Ermənstan-Azərbaycan münaqişəsinin hərbi fazasının ikinci mərhələsinin başa çatması ilə biz yeni mərhələnin başlanğıcının astanasındayıq.

Azpost.info bildirir ki, bu sözləri Azərbaycanın sabiq xarici işlər naziri Tofiq Zülfüqarov son prosesləri şərh edərkən yazıb.

Sabiq nazirin sözlərinə görə, yeni mərhələni iki dövlətin aşağıdakı şəraitdə hərbi-siyasi qarşıdurması kimi səciyyələndirmək olar: Mövcud və 1 dekabr tarixindən sonra yaranacaq təmas xəttində Rusiya sülhməramlıları var, eyni zamanda Türkiyə müşahidəçilərinin iştirakı ilə monitorinq missiyası yerləşdiriləcək.

“Rusiya və Türkiyə hərbçilərinin Azərbaycana gəlmələrinin mənası nədir? Bunun mənası odur ki, Ermənistanın təslim olması şərtlərinə görə, onun silahlı qüvvələri bizim ölkənin bütün ərazisini tərk etməyə məcbur edilib, münaqişəyə qədər əsasən ermənilərin yaşadıqları ərazinin bir hissəsində isə, təhlükəsizliyi Rusiya sülhməramlıları təmin edəcəklər. Bu zonalar tamamilə silahsızlaşdırılmalı və orada yalnız Rusiya hərbçilərində silah olacaq. Münaqişə zonasındakı Azərbaycanın nəzarətində olan bütün ərazilərdə və 1 dekabr tarixindən sonra nəzarətimizə keçəcək digər ərazilərdə dövlətimizin yurisdiksiyası tam həcmdə və məhdudiyyətsiz şəkildə bərpa olunacaq”.

T.Zülfüqarovun fikrincə, yuxarıda qeyd olunan hərbi-texniki reallıqlar çərçivəsində, ümumilikdə, beynəlxalq aləm tərəfindən tanınmış məhz bizim torpaqlarımızın yerdə qalan 3 faizi üzərində Azərbaycanın suverenliyinin bərpası istiqamətində siyasi proseslər baş verəcək: “Qeyd etmək lazımdır ki, razılaşmaların həyata keçirilməsi 1 dekabr tarixindən sonra məcburi köçkülərin 99 faizinin – 1991-1994-cü illərdə erməni silahlı qüvvələri tərəfindən törədilmiş total etnik təmizləmənin qurbanları olmuş azərbaycanlılar öz evlərinə qayıtmaq imkanı qazanacaqlar”.

Sabiq nazirin sözlərinə görə, qeyd olunanlardan çıxış edərək, əsas taktiki vəzifələr aşağıdakılardır:

  1. Ağdam, Kəlbəcər və Laçın rayonlarından qoşunların çıxarılması cədvəli ilə nəzərdə tutulmuş tədbirlərin qeyd-şərtsiz icrası;
  2. 1 dekabr tarixindən sonra ən qısa müddət ərzində Ermənistan silahlı qüvvələrinin yerdə qalan bütün bölmələrinin və texnikasının müəyyənləşdirilməsi və Azərbaycan ərazisindən çıxarılması təmin edilməli;
  3. Sülhməramlı qüvvələrin müvəqqəti nəzarəti altında olan ərazilərdə qanunsuz silahlı birləşmələrin tərksilah edilməsi və ərazidən çıxarılması;
  4. Hazırda qanunsuz silahlı birləşmələrin dövriyyəsində olan silah və hərbi texnikanın toplanması və Azərbaycan tərəfinnə təhvil verilməsi;
  5. Sülhməramlı qüvvələrin nəzarətindəki ərazilərdə qeyri-qanuni olan şəxslərin müəyyənləşdirilməsi və oradan uzaqlaşdırılması;

T.Zülfüqarov bildirib ki, bu vəzifələri yerinə yetirmək üçün sülhməramlı qüvvələrin və müşahidə missiyasının mandatının müəyyənləşdirilməsi üzrə Rusiya və Türkiyə ilə dərhal danışıqlara başlayacaq hökumət orqanı yaratmaq lazımdır. Nəticədə meydana çıxacaq sənəd Milli Məclisin xüsusi qərarı ilə təsdiq edilməlidir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Qarabağ döyüşçüsündən rüşvət alan vəzifəli şəxslər yaxalandılar

Sonrakı məqalə

Qırmızı Xaçın nmayəndələri Dilqəm Əsgərov və Şahbaz Quliyevə baş çəkib