İqtisadiyyat Nazirliyi yanında Əmlak Məsələləri Dövlət Xidməti tərəfindən cari ilin yanvar-avqust ayları ərzində daşınmaz əmlak üzərində 239 min 314 mülkiyyət hüququ qeydiyyata alınaraq çıxarışla təmin edilib.
Əmlak Məsələləri Dövlət Xidmətinin məlumatına görə, bu göstəricinin 39 min 148-i (16,3 faiz) ilkin, 200 min 166-sı (83,7 faiz) isə təkrar qeydiyyatın payına düşür.
Bu ilin 8 ayında fərdi yaşayış və bağ evi üzərində – 39 min 536, mənzil üzərində – 55 min 172, torpaq sahəsi – 136 min 179, qeyri-yaşayış binası – 2229, qeyri-yaşayış sahəsi – 5636, əmlak kompleksi – 526, çoxmərtəbəli yaşayış binası üzərində isə 36 mülkiyyət hüququnun dövlət qeydiyyatı aparılıb. Bu dövrdə qeydiyyata alınan mülkiyyət hüquqlarının 63 min 933-ü Bakının, digər hissəsi isə bölgələrin payına düşür.
