Bakıda kürəkən arvadını və qayınanasını öldürdü –

Meyitləri yandırdı
16 Oktyabr 2019 - 22:52

Binəqədi rayonunda dəhşətli qətl hadisəsi baş verib.

Hadisə Alıbəyli küçəsi 22 ünvanında baş verib. Belə ki, 1971-ci il təvəllüdlü Vaqif Hüseynov bibisi qızı olan həyat yoldaşı, 40 yaşlı Təranə İsmayılovanı bıçaqlayıb.

Daha sonra V. Hüseynov 85 yaşlı bibisini – qayınanasını bıçaqlayıb.

Hər iki şəxs hadisə yerində ölüb.

Qətli törədən V.Hüseynov hər iki meyitin üzərinə neft tökərək onları yandırıb. Özü isə hadisə yerindən qaçarkən “Azadlıq” prospektində onu sərnişin avtobusu vurub. V.Hüseynov 1 saylı şəhər xəstəxanasına yerləşdirilib.

Binəqədi Rayon Polis İdarəsinin əməkdaşları hadisə yerində araşdırma aparır.