Baş Qərargah rəisi Ankarada Heydər Əliyev Parkını ziyarət edib

12 Sentyabr 2021 - 20:36

Türkiyə Respublikasında səfərdə olan Azərbaycan Respublikası müdafiə nazirinin birinci müavini – Azərbaycan Ordusunun Baş Qərargah rəisi, general-leytenant Kərim Vəliyev sentyabrın 12-də Ankaradakı Heydər Əliyev Parkını ziyarət edib.

Bu barədə Müdafiə Nazirliyi məlumat yayıb.

General-leytenant Kərim Vəliyev Azərbaycan xalqının Ümummilli Lideri Heydər Əliyevin parkdakı abidəsi önünə əklil qoyub, dahi şəxsiyyətin xatirəsinə dərin ehtiramını bildirib.