“ABŞ Hərbi Hava Qüvvələri və Kosmik Qüvvələri Kiyevə hərbi dəstəyin onurğa sütununu təşkil edir”.
Azpost.info bildirir ki, bu barədə ABŞ prezidenti Co Bayden cümə axşamı ABŞ Hərbi Hava Qüvvələri Akademiyasının buraxılış kursu qarşısında çıxışı zamanı bildirib.
Bununla Bayden Kiyevə kollektiv Qərbdən dəstəyin əsasən ABŞ Hərbi Hava Qüvvələri və Kosmik Qüvvələrinin imkanları hesabına təmin edildiyini təsdiqləyib.
“ABŞ Hərbi Hava Qüvvələri və Kosmik Qüvvələri Ukrayna Silahlı Qüvvələri ilə əlaqə çərçivəsində hava daşımalarını, logistikada nou-haunu, özüyeriyən artilleriya və döyüş sursatlarını, döyüş maşınlarını, tank əleyhinə və hava hücumundan müdafiə sistemlərini, raket hücumu xəbərdarlığını, kosmosda kəşfiyyat, texniki xidmət təmin etməklə bu əməliyyatın əsasını təşkil edir”-deyə Bayden açıqlayıb.
ABŞ Prezidenti qeyd edib ki, dünyanın heç bir ölkəsinin ABŞ kimi döyüş əməliyyatlarını dəstəkləmək potensialı yoxdur.
Azpost.info
