ABŞ prezidenti Co Bayden 2023-cü maliyyə ili üçün qaçqın qəbulu limitini 125 min səviyyəsində saxlayıb.
Azpost.info xəbər verir ki, bu barədə “Associated Press” məlumat yayıb.
Hüquq müdafiəçiləri Bayden administrasiyasını Tramp administrasiyası dövründə dərin ixtisarlara məruz qalan ABŞ Qaçqınların Qəbulu Proqramını bərpa etmək üçün daha çox iş görməyə çağırmışdılar. Trampın dövründə qaçqın limiti 15 min nəfərlə rekord həddə düşmüşdü.
“Bayden limiti dörd dəfə artırdı. Lakin 30 sentyabrda başa çatan bu maliyyə ilində ABŞ 20 mindən az qaçqını qəbul etdi. Bu rəqəmə ABŞ-a sadələşdirilmiş sistemlə gələn və ölkədə sadəcə iki ilə qədər qalmaq imkanı verən 180 minə yaxın ukraynalı və əfqan daxil deyil”, – agentlik yazır.
Bayden bildirib ki, 125 minlik limit Birləşmiş Ştatların milli maraqlarına uyğundur. Tarixən həm respublikaçıların, həm də demokratların hakimiyyətləri dövründə illik qaçqın sayı orta hesabla 95 min olub.
Azpost.info
