“Belarusda nüvə başlıqlarının yerləşdirilməsi (onlara nəzarəti Minskə vermədən) Nüvə Silahlarının Yayılmaması haqqında Müqavilənin müddəalarına zidd deyil”.
Azpost.info xəbər verir ki, bunu Belarus Xarici İşlər Nazirliyindən bildiriblər.
Nazirlik hesab edir ki, Belarus pilotlarının xüsusi döyüş sursatı olan təyyarələri idarə etməsi də problem sayılmayacaq. Bu təcrübə qeyri-nüvə və nüvə gücləri arasında hərbi əməkdaşlıq sahəsində yenilik deyil:
“Hərbi əməkdaşlıq beynəlxalq hüquq normalarına uyğun olaraq həyata keçirilir. Xüsusi döyüş sursatları olan təyyarələri idarə etməyə qadir olan Belarus pilotlarının hazırlanması, həmçinin nüvə başlıqlarının onlara nəzarəti Minskə vermədən ölkə ərazisində yerləşdirilməsi, eləcə də müvafiq texnologiyalara çıxış heç bir halda qanunun müddəalarına zidd deyil”.
XİN-dən həmçinin qeyd ediblər ki, Belarus qonşu ölkələrdə NATO-nun potensialının artırılmasına cavab vermək məcburiyyətində qalıb.
Azpost.info
